السلام عليكم ورحمة الله وبركاته
شفنا في الجزء السابق كواليس رحلة شانغ ماي حق اللي ماشاف يضغط هني اليوم اكمل معاكم البقيه من بوكيت الساحره
بسم الله نبدي
بداية من غرفة الفندق عندما تطل على حمام السباحه لتجد هذا المنظر الرائع امامك كل صباح جميل على رذاذ المطر
ويقولك تمتاز تايلند بتاجير السياكل اي واحد يبي سيكل يسوق
ناخذلنا فرّه سريعه على حديقة الفراش مالتهم
ومن ثم نذهب لرحلة بي بي ايلاند اضغط هنا لمشاهدة تفاصيل الرحله
ركبونها طراد سرعته الف كيلو متر بالساعه يمكن ماغير يشيل ويشدخ فينا عفسنا الله يغربل بليسه
شتسوي انت وياه تمسكوا بس وخلوا شغلكم بعدين
واخيرا وصلنا
جنه محد له خلق يصور بعد هالعفسه ها ؟؟
نشوف بعض طرق التصوير
اخر شي عاد ايمعون الموجودين ويالله كل واحد يدبر عمره بالرده
بعدين نروح لرحلة جزيرة جيمس بندق على قولة واحد من الشباب يزاه الله خير واللي بيشوف التفاصيل حياكم هني
اول شي حشرونا يمكن 100 واحد بهالمركب العود ويالله شوي شوي يمشي سبحان اللي فرق بين رحلة امس الطياره وهني يمشي على بيض
ووصلنا للجزيره طبعا مايقطك على طول عند الجزيره لا اييلك مركب ثاني اصغر ياخذك ويحذفك هناك
بعدين عاد تجولوا بالجزيره اخذوا راحتكم يالله
ماكو شمس يالحبيب والا راسك معورك من الطراريد ؟؟
شفتوا شلون صاحبنا اقوى ؟
بعدين وفي فجأة المفاجآت طق مطر قوي وهذا شي تشتهر فيه تايلند والدول الاستوائيه تقعد في امان الله فجاه يطق مطر قوي يرجخك ويتوكل على الله
عاد قررنا انا والاخ بو بدر ان نذهب في نزهه في القارب المطاطي الى الكهوف الموجوده والمطر ينهمر علينا بكثافه
فودعنا صديقنا بو حمد على امل اللقاء بنا في القريب العاجل ان شاءالله وقلبه يعتصر الما على فراقنا في هذا الجو الماطر
ويزداد المطر وهو ينتظر
وها نحن قد عدنا وعادت اسارير الفرح على محيّا صديقنا الغالي بو حمد اللي ماراح معانا بهالرحله وقعد يصورنا ويتشمت فينا
فرحين بعودتنا سالمين
بعدين سلمكم الله نروح حق جزيره ثانيه ونريح لين العوده الى فندقنا سالمين
يحليله يهمّز ابوه
حركات البنات والله لويه
ايهبا
بعدين نروح لرحلة السفاري والرافتينغ واللي بيشوف يدش هني
بدايتها فيه النوم الحبيب
وصلنا وشكله ماله خلق ماشبع نوم الظاهر
يمشي واهو نايم
لا ما اعتقد صرت هالمتن فجأه
لا حدك مالك خلق
شناطر ؟؟
اي لا خوش شي
ومن ثم الى فانتاسي وورلد
بتشوف معدته يعني ؟؟
لاتتحرش فيه يا النقدي دير بالك
والله يبيلنا جم واحد حق الزحمه هني بالديره
ومن ثم نقعد على شاطيء الباتونغ بيتش ونستمتع مع بو بدر ورحلة الباراشوت
يربطونه
ماعليه شد حيلك شد حيلك سهاله ان شاءالله
هوبلا
ويروح فوق ويطقله فره ويرجع
ها شلون الرحله ؟؟؟
وفي الختام اكتشفنا موهبه جديده لصاحبنا بو حمد طلع يدق ناي ومادري منو يسمّع بالتلفون وخاش علينا
وفي الختام لايسعني الا ان اشكر اصدقائي في الرحله واشكر لكم طيب مشاهدتكم واسال الله ان تكونوا قد استمتعتوا في هذه الرحله الخفيفه على امل اللقاء بكم بعدين
والسلام عليكم ورحمة الله وبركاته
ليست هناك تعليقات:
إرسال تعليق