| مجموعة أبوعمر تهتم بالشئون الإماراتية بشكل خاص والعالمية بشكل عام للإنضمام للمجموعة أرسل رسالة فاضية على |
|
ليصلك كل ما هو جديد
أشترك معنا بإرسال رسالة فارغة إلى الإميل التالي
abuoumar+subscribe@googlegroups.com
نعود اليكم في رحلة لبنان 2011 بالجزء الثالث منها بعد ماشفنا الجزء الأول والجزء الثاني ندش اليوم بالجزء الثالث وهي زياره لغابة أرز الباروك والمرور في بحمدون اللي اذونا فيها كلها ربعنا وكلها ربعنا واخرتها ماشفت الا ثلاث عوايل بس
يمكن لأني رايح بوقت مابدا الموسم بس حسب اللي سمعته يقولون انهم على طول هناك ماشفت شي .. عموما ونمشي في طريق الارز متوجهين الى بحمدون ثم غابات أرز الباروك
ونشوف هالغطيطه اللي مغطيه البيت
شكر لدولة الكويت ... عسى الله يعزج ياكويت
ونوصل بحمدون ونخليكم مع بعض الذكريات فيها للي راح لها من قبل
حفله في جنة بحمدون
ونكمل طريقنا الى غابات ارز الباروك
هذيل سلمكم الله اللبنانيين من يصير عندهم الويك انك اللي يكونون في المدن كبيروت وغيرها ينزلون على الضيعه مالتهم عشان ياخذون الويك اند فيه وبعدين يردون حق دواماتهم في المدن لما يخلص الويك اند
وهذا عرس لبناني في احد الاماكن ماشاءالله عليهم اللبنانيين الفتره اللي سافرت فيها يمكن اكثر من 10 افراح .. عسى الله يجعل ايامهم كلها افراح ومناسبات سعيده
ونكمل ونتوقف عند بعض المحطات ونشوف
صناعة الفخار
هذيل كاشتين للبر يعني .. عندهم مثل مادكرت لكم لما يصير الويك اند يطلعون كشتات للضيعه وللغابات يغيرون جو
ونوصل للكشك اللي يدخلك لمحمية غابة أرز الباروك
ونمشي في الطريق الضيق اللي مايتسع الا لسياره واحده فقط بين منحنيات ووديان
ونوصل لشجرة الارز اللي موجوده في العلم اللبناني - على حسب كلام مرشدنا السياحي
ونكمل واخليكم مع بعض اللقطات من الغابه
عاد انت وحظك شوف شنو يطلعلك خنزير بري .. ذيب .. قنفذ .. سنجاب .. صخله مايندرى
ونوصل
ولازم نلتزم في البقاء داخل الممرات
استراحة محاربين
وبعدين نعود من حيث اتينا
وهذا سوق جانبي في طريق العوده
وماء سبيل
وارهقنا المسير وصكنا اليوع وندور اكل ناكل ومالنا الا مطعم نبع الصفا
ونخلص من المطعم ونكمل ردتنا
ونمر ايضا على بحمدون ونمشي في طريقٍ مقمرٍ ونريّح شوي نتامل بيروت من فوق الجبل مساءا
واشوفكم ان شاءالله في الجزء الاخير ان شاءالله
ليست هناك تعليقات:
إرسال تعليق